माहूर : नियमित कर्ज भरणाऱ्या शेतकऱ्यांना देण्यात येणारे ५० हजार रुपयांचे सानुग्रह अनुदान तुटपुंजे असून ते २ लाख रुपये करण्यात यावे, या मागणीसाठी आज अखिल भारतीय किसान सभेच्या वतीने तहसीलदार माहूर यांच्या मार्फत मुख्यमंत्र्यांना निवेदन देण्यात आले.
यावेळी किसान सभेच्या पदाधिकाऱ्यांनी सांगितले की, राज्य सरकारने नियमित कर्जफेड करणाऱ्या शेतकऱ्यांना प्रोत्साहन म्हणून ५० हजार रुपये अनुदान जाहीर केले होते. मात्र वाढती महागाई, नापिकी, आणि शेतीमालाला योग्य भाव न मिळाल्याने ही रक्कम अत्यंत कमी आहे. प्रामाणिकपणे कर्ज भरणाऱ्या शेतकऱ्यांवर अन्याय होत असून त्यांना प्रोत्साहन देण्यासाठी ही रक्कम २ लाख रुपये करावी.
शासनाने या मागणीचा गंभीरपणे विचार करून लवकरात लवकर निर्णय घ्यावा, अन्यथा तीव्र आंदोलन छेडण्यात येईल, असा इशाराही यावेळी देण्यात आला.
हे निवेदन तहसीलदार माहूर यांना देण्यात आले असून, त्यांनी ते मुख्यमंत्र्यांपर्यंत पोहोचवण्याचे आश्वासन दिले. यावेळी किसान सभेचे कार्यकर्ते व शेतकरी मोठ्या संख्येने उपस्थित होते.