दिनांक १ जुलै २०२४ ला उपजिल्हा रुग्णालय वरोरा येथे जागतिक डाॅक्टर डे व जागतिक कृषी दिवस उत्साहात साजरा करण्यात आला.
हा कार्यक्रम वंदना विनोद बरडे अधिसेविका व सामाजिक कार्यकर्त्या वरोरा यांनी आयोजित केला होता.
या कार्यक्रमाला मंचावर डॉ. खूजे प्रफ्फूल वैद्यकीय अधीक्षक , सुधाकर कडु महारोगी सेवा समिती वरोरा आनंदवनचे विश्वस्त , राजेंद्र मर्दाने ज्येष्ठ पत्रकार, प्रविण मुधोळकर आनंदवन मित्र मंडळ अध्यक्ष उपस्थित होते.
मान्यवरांनी वसंतराव नाईक माजी मुख्यमंत्री महाराष्ट्र,व डॉ. बिधान चंद्र राय यांच्या प्रतिमेचे पूजन करून व दिपप्रज्वलन करून कार्यक्रमाची सुरुवात करण्यात आली.वंदना बरडे अधिसेविका यांनी जागतिक डॉक्टर डे विषयी कार्यक्रमांत प्रास्ताविक केले.
त्यांनी आपल्या प्रास्ताविकात म्हटले की आजचा दिवस खुप मौल्यवान आणि आदर्शांप्रतीचा आहे.त्यांनी उपस्थितांना आयोजित कार्यक्रमात सर्व डॉ.ना डॉ डे च्या हार्दिक शुभेच्छा दिल्या व अभिनंदन केले.
डाॅ.बिधान चंद्र राॅय यांच्या जयंतीनिमित्त साजरा केला जातो. त्याच प्रमाणे वसंतराव नाईक यांच्या जयंतीनिमित्त शेतकरी यांच्या प्रती क्रुतज्ञता व्यक्त करण्याकरिता साजरा केला जातो.
तसेच या दिवशी आणखी ५ विषेश दिवसांचे महत्व समजावून सांगितले ते विषेश दिवस म्हणजे भारतीय स्टेट बँक स्थापन दिवस, जागतिक विनोद दिवस,जी एस. टी. दिवस, चार्टर्ड अकाऊंट दिवस, व राष्ट्रीय टपाल कर्मचारी दिवस, यानिमित्ताने सर्व दिवसांचे महत्व समजावून सांगितले त्यांच्या शूभेच्छा दिल्या.
शेतक-या प्रती क्रुतज्ञता व्यक्त करण्यात करीता हरित क्रांती चे जनक म्हणून वसंत राव नाईक यांची जयंती साजरी केली जाते.
सर्व डॉक्टरांनी रूग्णा विषयी आत्मीयता,आदर, प्रेम, सन्मान वापरून रुग्ण सेवा करावी सोबत आपले कर्तव्य,कर्म, जबाबदारी व्यवस्थीत पार पाडावी.आपली व आपल्या परिवाराची आरोग्याची काळजी घ्यावी. आपले कार्य हे खुप मोलाचे आहे.आणि नोबेल कार्य आहे.याला कुठेही तडा जाऊ नये यांची काळजी घेऊन रुग्णसेवा द्यावी.कारण देवानंतर डाॅक्टरांना मानणारे खुप लोक आहेत.
त्याची जपवणूक व्हावी.तसेच प्रवीण मुधोळकर यांनी आपले मनोगत व्यक्त केले.
कडूसाहेब ज्येष्ठ नागरिक यांनी बाबा आमटे यांच्या जीवनावर मार्गदर्शन केले.
राजेंद्र मर्दाने ज्येष्ठ पत्रकार संघाचे अध्यक्ष यांनी शुभेच्छा देवून मनोगत व्यक्त केले.
डाॅ. खूजे वैद्यकीय अधीक्षक व कार्यक्रमांचे अध्यक्ष यांनी वसंत राव नाईक यांच्या जयंतीनिमित्त व डॉ.डे निमित्त शुभेच्छा दिल्या व डॉक्टरांच्या कार्याप्रती मार्गदर्शन केले. बहूउद्देशीय मित्रमंडळ व पत्रकार संघ यांच्या संयुक्त विद्यमाने डॉ.मंडळी यांचा शाल व झाड देऊन सत्कार करण्यात आला.
या कार्यक्रमाचे औचित्य साधून वृक्षारोपण करण्यात आले.सूत्रसंचालन सोनाली राईसपाईले व आभारप्रदर्शन सतीश येडे यांनी केले.
कार्यक्रमात डॉ.प्रफ्फूल वैद्यकीय अधीक्षक खूजे, डॉ.वंदेश शेंडे नेत्रशल्य चिकित्सक डॉ.स्नेहाली शिंदे, डॉ. गेडाम स्त्रीरोगतज्ज्ञ डॉ. प्रवीण बुटोलीया अस्थीरोगतज्ञ व वर्षा भुसे भौतिक उपचार तज्ञ डॉ जाधव वैद्यकीय अधिकारी यांचा सत्कार करण्यात आला.
कार्यक्रमासाठी वंदना विनोद बरडे अधिसेविका, सरस्वती कापटे, इंदिरा कोडापे, संगिता नकले, ओमकार मडावी लक्ष्मीकांत ताले यांनी मेहनत घेतली.विवेक मेश्राम, दिपक अंबादे, कूंदा मडावी सर्व अधिकारी व कर्मचारी उपस्थित होते. विषेश म्हणजे पत्रकार संघाकडून एका शेतकऱ्याचाही सत्कार करण्यात आला.
त्यांचे नांव राहुल देवडे असून तरुण शेतकरी आहे आजकाल तरूण शेतीकळे वळत नाही पण राहुल देवडे हे शेतकरी आहे प्रामुख्याने सांगावेसे वाटते.
सुधाकर कडु महारोगी सेवा समिती विस्तव यांनी रुग्णालयीन अधिकारी व कर्मचारी यांच्या विषयी विशेष गौरव उदगार काढलें व भरभरून प्रशंसा केली.आणि रुग्णालयाचा कायापालट झाल्याचेही त्यांनी कौतुक केले.शेवटी डॉ. बिधान चंद्र राॅय यांना श्रद्धांजली वाहण्यात आली.
कारण याच दिवशी त्यांचा जन्म व मृत्यू झाला. सर्वांनी भरभरून प्रतिसाद दिल्याबद्दल धन्यवाद मानून कार्यक्रमांची सांगता करण्यात आली.