डोंबिवली(प्रतिनिधी-गुरुनाथ तिरपणकर)शारीरिक तंदुरुस्तीसाठी सर्वच ठीकाणी सकाळी जेष्ठ नागरिक महिला-पुरुष माॅर्निंग वाॅक साठी जात असतात.डोंबिवली मध्ये ही रोज महिला माॅर्निंग वाॅक साठी जात असतात.महिला दिनाचे औचित्य साधून नुकताच डोंबिवली योगा आणि माॅर्निंग वाॅक ग्रुप तर्फे महिलांनी जागतिक महिला दिन डोंबिवली जिमखाना बस स्टॅन्डवर मोठ्या उत्साहात साजरा केला.सभासद व जेष्ठ समाजसेवक अरविंद सुर्वे यांच्या संकल्पनेतून काही महिला व पुरुष यांच्यासाठी काही स्पर्धा आयोजित केल्या होत्या.परिक्षक म्हणून मंगेश खोत,रेखा खोत ,रवींद्र कुलकर्णी, बाळकृष्ण देसाई यांनी काम पाहिले.विजेत्यांना मान्यवरांच्या हस्ते बक्षिसे प्रदान करण्यात आली.कुमुदिनी मॅडम यांनी सर्व महिलांचे हळदीकुंकु व सुहासिक गजरे देऊन स्वागत केले.
