ठाणे(प्रतिनिधी-गुरुनाथ तिरपणकर)-कळवा येथील रायझिंग स्टार प्री-प्रायमरी शाळेच्या संचालिका,सामाजिक कार्यकर्त्या तथा उपक्रमशील शिक्षिका ममता मसुरकर यांना नुकताच पाक्षिक आदर्श रायगड वृत्तपत्र आणि वृत्तवाहिनी यांजकडून मान्यवरांच्या हस्ते"राज्यस्तरीय शिक्षण रत्न पुरस्कार"प्रदान करुन सन्मानित करण्यात आले.
अंबरनाथ येथे मोठ्या उत्साहात कार्यक्रम संपन्न झाला.याप्रसंगी आमदार ज्ञानेश्वर म्हात्रे,मुख्य संपादक रमेश सणस,कार्यकारी संपादक शैलेश सणस उपसंपादक अविनाश म्हात्रे,नगरसेवक सचिन पाटील,मराठी वृत्तपत्र लेखक संघाचे अध्यक्ष रविंद्र मालुसरे,प्रेरणा फाऊंडेशनच्या अध्यक्षा दिप्ती गावकर-कुलकर्णी आदी मान्यवर उपस्थित होते. ममता मसुरकर यांना राज्यस्तरीय शिक्षण रत्न पुरस्कार मिळाल्याबद्दल त्यांचे सर्वत्र कौतुक व अभिनंदन होत आहे.