महेक बहुउद्देशीय सेवाभावी संस्थेचा पुढाकार; पत्रकारिता, शिक्षण, समाजसेवा, कला आणि शौर्य क्षेत्रांतील मान्यवरांचा गौरव
उमरी, जि. नांदेड :
महेक बहुउद्देशीय सेवाभावी संस्था, निमटेक यांच्या वतीने गुरुवार, दि. २२ ऑक्टोबर २०२६ रोजी उमरी येथील अहिल्याबाई होळकर सभागृहात राज्यस्तरीय पुरस्कार सोहळ्याचे आयोजन करण्यात आले आहे. विविध क्षेत्रांत उल्लेखनीय कार्य करणाऱ्या मान्यवरांची पुरस्कारांसाठी निवड करण्यात आली असून, या सोहळ्यात पत्रकारिता, शिक्षण, समाजसेवा, कला आणि शौर्य क्षेत्रांतील गुणवंतांचा गौरव करण्यात येणार आहे.
पत्रकारिता क्षेत्रातील मान्यवरांचा सन्मान
राज्यस्तरीय आदर्श पत्रकार पुरस्कारासाठी बजरंगसिंह रामसिंह हजारी (माहूर), पिराजी लक्ष्मण कराडे, संदीप बळीराम राठोड, गजानन गंगाधरराव बिडकर, शेख असलम (देगलूर), राहुल सोमाजी कोलते आणि सुखानंद वैजनाथ रोडगे यांची निवड करण्यात आली आहे.
आदर्श शिक्षक पुरस्कारासाठी निवड
राज्यस्तरीय आदर्श शिक्षक पुरस्कारासाठी माधव विठ्ठल गायकवाड, बी. एल. खांडरे, मनोज पिंकुजी बारसागडे, ज्योती निर्गुणराव वाठोरे, नंदकुमार लक्ष्मण दुधे, देवना भूमन्ना भोगावार, पंचशीला सुनीता वेले, विष्णू शंकर शिंदे आणि गौस खान खुर्शीद खान पठाण यांची निवड झाली आहे.
समाजसेवेतील योगदानाचा गौरव
राज्यस्तरीय आदर्श समाज भूषण पुरस्कारासाठी सय्यद चांद सेठ (उमरी), व्यंकटी गोविंदराव जाधव, सुजाता एस. साबळे, डॉ. दिनेश ताराचंद खैरे, संगीता शेषराव भक्ती, सौ. हिरावती रामभाऊ चक्रपाणी, बाबू संभाजी शिंदे, बालाजी लक्ष्मण निलावार आणि अब्दुल रहीम पटेल अब्दुल वहीद पटेल यांची निवड करण्यात आली आहे.
कला आणि शौर्य क्षेत्रातील पुरस्कारार्थी
राज्यस्तरीय आदर्श कला गौरव पुरस्कारासाठी सदानंद शहादेव मोरे यांची, तर राज्यस्तरीय आदर्श कलाभूषण पुरस्कारासाठी गीतमोह सांस्कृतिक कला मंच, शिराढोण, ता. कंधार, जि. नांदेडचे संस्थापक अध्यक्ष बापूराव मोहनराव जमदाडे यांची निवड झाली आहे.
याशिवाय राज्यस्तरीय आदर्श शौर्य गौरव पुरस्कारासाठी काकासाहेब हानमंत भालेकर, सय्यद वाजेद अली सय्यद अन्वर अली आणि रविकांत साहेबराव चोपवाड यांची निवड करण्यात आली आहे.
अभिनेत्री डॉ. गायत्री रामभटके यांची प्रमुख उपस्थिती
संस्थेचे संस्थापक अध्यक्ष शेख आरीफ निमटेककर यांच्या आयोजनाखाली हा पुरस्कार सोहळा पार पडणार आहे. महाराष्ट्रातील सुप्रसिद्ध अभिनेत्री डॉ. गायत्री रामभटके (मी रमाई बोलते फेम) यांची कार्यक्रमाला प्रमुख उपस्थिती राहणार आहे.
विविध क्षेत्रांत उल्लेखनीय कार्य करणाऱ्या व्यक्तींच्या योगदानाची दखल घेऊन त्यांना प्रोत्साहन देणे, त्यांच्या कार्याचा समाजासमोर गौरव करणे आणि इतरांनाही सामाजिक कार्यासाठी प्रेरित करणे हा या पुरस्कार सोहळ्यामागील मुख्य उद्देश आहे. गुरुवार, दि. २२ ऑक्टोबर रोजी सकाळी ११ वाजता उमरी येथील अहिल्याबाई होळकर सभागृहात हा सोहळा आयोजित करण्यात आला आहे.