यवतमाळ : आदिवासी विद्यार्थ्यांच्या विविध मागण्यांसाठी यवतमाळ येथे सुरू असलेल्या बेमुदत आंदोलनाला मा. आमदार प्रा. श्री. राजूभाऊ तोडसाम यांनी भेट देऊन आंदोलनकर्त्या विद्यार्थ्यांशी प्रत्यक्ष संवाद साधला.
यावेळी आमदार तोडसाम यांनी विद्यार्थ्यांच्या विविध मागण्या, समस्या व अडचणी जाणून घेतल्या. शिक्षणाशी संबंधित प्रश्न, विद्यार्थ्यांना भेडसावणाऱ्या अडचणी तसेच त्यांच्या भविष्यासंदर्भातील विविध विषयांवर त्यांनी विद्यार्थ्यांशी सविस्तर चर्चा केली.
आदिवासी विद्यार्थ्यांच्या न्याय्य मागण्यांसाठी शासन स्तरावर योग्य तो पाठपुरावा करून सकारात्मक मार्ग काढण्यासाठी प्रयत्न करण्यात येतील, अशी ग्वाही आमदार राजूभाऊ तोडसाम यांनी यावेळी दिली.
विद्यार्थ्यांच्या प्रश्नांवर केवळ चर्चा न करता प्रत्यक्ष आंदोलनस्थळी उपस्थित राहून त्यांच्या समस्या समजून घेण्याचा प्रयत्न आमदार तोडसाम यांनी केला. त्यामुळे आंदोलनकर्त्या विद्यार्थ्यांना आपल्या मागण्यांसाठी शासन स्तरावर पाठपुरावा होण्याची अपेक्षा निर्माण झाली आहे.
“विद्यार्थ्यांच्या प्रश्नांसाठी प्रत्यक्ष आंदोलनस्थळी उपस्थिती आणि न्यायासाठी सातत्यपूर्ण पाठपुरावा” अशी भूमिका आमदार राजूभाऊ तोडसाम यांनी यावेळी व्यक्त केली.